Pavarësisht se 13 lojtarë të AZ Alkmaarit rezultuan pozitivë me Koronavirus, skuadra holandeze ka fluturuar drejt Napoli, teksa ka zbarkuar në aeroportin “Capodichino”. Nesër do të luajë kundër skuadrës së Gennaro Gattusos, ndeshje e vlefshme për fazën së grupeve të Europa League-s.
Para se të nisej për në Napoli, trajneri i Az Alkmaarit, Arne Slot, bëri të njohur listën e lojtarëve të thirrur për takimin e nesërm, në orën 18.55, në “San Paolo”. Mes emrave të ekipit holandez është edhe një që nuk mund të kalonte pa rënë në sy: Maxim Gullit. Po, është djali i ish-“yllit” të Milanit, Ruud Gullit. Mbrojtësi i lindur në vitin 2001, i cili ka koleksionuar 77 paraqitje mes U-17, U-19 dhe U-21 të Alkmaarit, pret momentin e tij për të bërë debutimin në ekipin e parë. Mbase kjo do të ndodhë në “San Paolo”.
🇮🇹 Ciao Napoli
✈️ AZ is aangekomen in Italië. #AZ #napaz #UEL pic.twitter.com/sndLKgYhdi
— AZ (@AZAlkmaar) October 21, 2020