Është më se normale që të rinjtë shqiptarë të kenë idhuj futbollistë që luajnë në kampionatin italian të futbollit, por përbën habi dhe lajm kur idhulli i një 17-vjeçari italian luan në Kategorinë Superiore me skuadrën e Kukësit.
Bëhet fjalë për djaloshin nga Bergamo, Marco Benzoni, i cili aktualisht është duke luftuar me koronavirusin, ndërsa në sportin më të ndjekur në botë ka idhull sulmuesin e verilindorëve Godberg Barry Cooper.
Ky i fundit i ka dhuruar 17-vjeçarit italian fanellën që vesh te skuadra e Kukësit, ndërsa historinë e tregon vetë klubi verilindor nëpërmjet një postimi në llogarinë zyrtare në Facebook, ku nuk mungojnë as urimet për një shërim të shpejtë të djaloshit nga Bergamo.
F.K Kukësi Albania
Futbolli është më shumë se një lojë. Së bashku mund t’ia dalim ne kë… të kohë të vështirë! E gjithë bota po përballet me një situatë të vështirë dhe jo të zakonshme. COVID19 ka zënë vend dhe ka bërë që të gjithë të kujdesen për të ruajtur distancim social dhe fizik nga njëri-tjetri.