Milan vijon përpjekjet për të përforcuar skuadrën në merkaton e janarit edhe pse bilancet e këtyre viteve kanë një rënie të ndjeshme të të ardhurave. Drejtuesit kuqezinj duan me çdo kusht një mbrojtës për krahun e djathtë dhe ideja më e fundit është Santiago Arias i Atletico Madrid. Këta të fundit kanë mbipopullim në këtë repart pasi Trippier është i padiskutueshëm ndërsa tani është rikthyet nga dëmtimi edhe Vrsaljko. Arias ka luajtur vetëm 2 ndeshje deri tani dhe klubi nuk do ta pengonte të largohej nëse do të merrte një ofertë prej 20 milionë euro për kartonin e tij.
