Angli

“Ka njohuri të jashtëzakonshme”, Guardiola humbet krahun e djathtë!

Pep Guardiola do ta nisë sezonin e ri pa krahun e tij të djathtë, Juanma Lillo. Ky i fundit prej dy vitesh ishte ndihmësi i parë i teknikut spanjoll te Manchester City, mirëpo së fundmi është “joshur” nga ideja për të nisur një karrierë të tijën si trajner i parë.

Në këtë formë, 56-vjeçari ka pranuar ofertën e klubit nga Katari, AL-Sadd të cilët në të kaluarën ishin nën udhëheqjen e Xavi Hernandez. Megjithatë,  në krye kanë gjetur sërish një spanjoll teksa Lillo ka një eksperiencë të madhe në karrierën e tij pasi në të kaluarën ka drejtuar klube si Almeria, Real Sociedad apo Vissel Kobe në Japoni.

Sakaq, tekniku i ri i AL-Sadd ka pasur gjithnjë admirimin e Pep Guardiolës i cili është shprehur se Lillo ka njohuri të jashtëzakonshme dhe se në një ndeshje futbolli arrin të shohë atë që tjerët nuk mund ta kuptojnë. Por, Guardiolës tashmë i “lind” detyra të kërkojë për një tjetër ndihmës, ndërsa Lillo udhëton për në Katar për të pasuar në stolin e Al-Sadd, Javi Gracia.

Të Fundit

EVENTET NË SUPERSPORT

To Top
Evolve Web Agency Evolve Web Agency