Kategoria Superiore

Ka tension te Kukësi, Gjici kërkon tre fitore radhazi!

Mungesa e rezultateve përcillet gjithmonë me tension tek skuadra e Kukësit. Ambiciet e verilindorwve kanë gjithmonë si synim titullin kampion, ndërkohë që rezultatet e arritura sëfundmi kanë prishur disi qetësinë.

Dy disfatat e fundit ndaj kundërshtarve direkt në garën për titull me Skëndërbeun dhe Partizanin, eklipsuan 4 sukseset e arritura më herët. Tensioni u shoqërua edhe më një debat publik mes trajnerit Armando Cungu dhe sulmuesit Reginaldo. Për të qetësuar disi situatën mes palëve u desh dhe ndërhyrja e drejtorit sportiv  të Kukësit Nderim Nexhipi.
Debati u sheshua ndërkohë që tashmë vendi i është lënë fushës së blertë. Presidenti i bluve, Safet Gjici kërkon që në tre ndeshjet e ardhshme skuadra të arrijë tre fitore, në të kundërt do të jetë vetë numri një i klubit që do të zbresë në terren dhe do të bëjë rolin e rregullatorit. Kalendari për Kukësin duket i vështirë, krahas sfidës me Kastriotin që të paktën në letër duket një rival i kalueshëm, dy ndeshjet pasardhëse flasin ndryshe. Laçi në fillim dhe më pas Flamurtari.

To Top