Lyon u rikthye te fitorja në kampionatin francez, pasi mposhti jo pa vështirësi St. Ettiene me rezultatin 2-1 dhe u ngjit përkohësisht në vendin e 5-të me 17 pikë të grumbulluara.
Në “Olympique Parc” të Lyonit, miqtë kaluan të parët në avantazh pas një autogoli të Lopes, ndërsa Lyon përmbysi rezultatin në pjesën e dytë me dy gola të shënuar nga sulmuesi 24-vjeçar Tino Kadewere.
Nga ana tjetër St. Ettiene pati një mundësi të artë për të shmangur humbjen, pasi fitoi një penallti në minutën e fundit të ndeshjes, por Bouanga gjuajti keq dhe dërgoi topin jashtë kuadratit të portës.
Më herët Monaco triumfoi 1-2 në transfertën ndaj Nice, ndërsa Angers mposhti me rezultatin e thellë 1-5 Nimes.