Ish-kapiteni i “Seleçaos”, kampion bote në vitit 2002, në krizë të thellë ekonomike. Bëhet fjalë për një emër të madh të historisë së futbollit, që konsiderohet madje edhe si më i miri në krahut të djathtë, Marcos Evangelista de Morais, i njohur nga të gjithë me emrin e shkurtër Kafu.
Mësohet se 49-vjeçari ka humbur me vendim gjykate 5 prona për shkak të borxheve. Pamundësia për të shlyer kreditë dhe borxhet e marra nga “Capi Penta International Player”, një shoqëri menaxherësh të sportistëve, që i përket 49-vjeçarit dhe bashkëshortes së tij, ka çuar në konfiskimin e 15 pronave të tjera të çiftit.
“Është problemi im personal. Mund të jap pronat e mia të paluajtshme, makinën time, shtëpinë time, mund të jap atë që dua për të paguar borxhet,” – ka deklaruar Kafu, i cili është përzgjedhur ambasador i Brazilit për Botërorin e vitit 2022, që do të zhvillohet në Qatar.