Bundesliga

Kahn merr detyrën e re, premton një Bayern fitues!

Anëtari më i ri i bordit drejtues të Bajernit të Mynihut Oliver Kahn premtoi se do të zbusë temperamentin e tij famëkeq. Më 1 janar 50-vjecari gjerman filloi mandatin e tij 5-vjeçar në Bordin Ekzekutiv të Bajernit, ndërsa 24 muaj më vonë Oli Kahn do të marrë vendin e Karl-Heinz Rummenigge-s për t’u bërë shefi i ri i “të kuqve”, sidoqoftë në një konferencë për shtyp të dhënë në kryeqendrën e Bavarisë ish-kapiteni i famshëm i këtij ekipi dhe një ndër portierët më të mirë të të gjitha kohërave deklaroi se do të përpiqet për të ndryshuar karakterin e tij famëkeq.

Oliver Kahn mbahet mend si një ndër kokat më të nxehta të Bajernit, përgjatë karrierës së tij 14-vjeçare me “rekordmenët e Gjermanisë”, megjithatë 50-vjeçari nga Karlsruhe premtoi se do të jetë i përmbajtur në sallën e mbledhjeve. Pas tërheqjes nga futbolli përveç rolit të opinionistit në studiot e ndryshme televizive Oliver Kahn filloi aktivitetin e tij në biznes dhe sipërmarrje, e në fakt në konferencën për shtyp Oli me buzën në gaz qartësoi se karakteri i tij i ashpër e ka ndihmuar ndjeshëm gjatë karrierës së tij të gjatë, por në biznes një gjë e tillë nuk është domosdoshmërisht kaq e dobishme. Gjatë këtyre dy vjetëve Oliver Kahn do të ketë një bashkëpunim të ngushtë me figura shumë të rëndësishme të klubit si Karl-Heinz Rummenigge dhe Hasan Salihamidzic, për t’u përshtatur sa më shumë me postin e tij të ardhshëm.

Në fjalën e rastit ish-portieri i famshëm premtoi se do të bëhet 100% pjesë e Bajernit të Mynihut. Legjenda e klubit do të ketë detyrën e rëndësishme për të ndërtuar Bajernin e të ardhmes, si dhe për të hapur një epokë të re te klubi i lavdishëm teuton, një mision tepër i vështirë sidomos pas largimit të një “patriarku” sic ishte Uli Hoeness, që hoqi dorë nga presidenca e klubit, apo qoftë edhe pas përfundimit të mandatit në këtë rol në fundin e vitit 2021 të një emri të madh si “Kalle”. Oli Kahn shpjegoi se është i ndërgjegjshëm për pritshmëritë e larta që ka një klub si Bayerni, por gjithsesi ish-kapiteni shtoi se një sfidë e tillë i shkon përshtat karakterit të tij. 50-vjeçari kujtoi një shprehje të famshme të njërit prej trajnerëve të dikurshëm: se çdonjeri që firmos për këtë klub, duhet ta dijë se çfarë përgjegjësie po merr përsipër. Plot krenari ai tha se që të jesh pjesë e Bajernit duhet synuar për të qenë numri 1 në çdo sektor, pasi drejtuesit kanë për objektiv për t’iu ofruar fansave të shumtë një futboll të shkëlqyer, prandaj nevojitet edhe krijimi i kushteve të duhura ekonomike, pa harruar aspak edhe sektorin e ekipeve zinxhir, sepse sipas tij puna me moshat mbetet edhe një nga cështjet më të rëndësishme që ka klubi.

Ndërkaq Presidenti i ri Herbert Hainer deklaroi se Kahn u përzgjodh pikërisht për njohuritë e tij të thella në sport, biznes, por mbi të gjitha ngaqë ka ADN e Bajernit. Me “të kuqtë” portieri legjendar ka fituar Champions League-n, Kupën UEFA, Kupën e Botës për Klube, 8 herë Bundesligën si dhe 6 herë Kupën e Gjermanisë, përpara se të tërhiqej nga ky sport në vitin 2008. Ish-kapiteni do të kujtohet gjithmonë si heroi i Champions-it të fituar në San Siro, teksa i priti plot tre 11-metërsha futbollistëve të Valencias. Përveç aftësive të tij të jashtëzakonshme mes shtyllave, për ashpërsinë dhe karakterin e tij shpërthyes Oliver Kahn fitoi nofkën “Vullkani”. Vlen të theksohet gjithashtu edhe fakti se pas tërheqjes nga futbolli 50-vjeçari ka marrë “master” në fushën e menaxhim-biznesit.

 

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency