Mbyllje e mbrapshtë e verës për Naser Alijin. Pasi humbi vendin në Kombëtare, mbrojtësi kuqezi mbeti edhe pa skuadër. Kaiserslautern në Bundesligën 2 gjermane njoftoi zyrtarisht prishjen e kontratës me lojtarin.
23-vjeçari nga Kumanova ka qenë i pafat në aventurën e tij me “Djajtë e Kuq”, tek të cilët u transferua në vitin 2016 nga Baseli. Pavarësisht 20 ndeshjeve ku është aktivizuar gjatë sezonit të kaluar.
Vendimi erdhi prej Dëmtimeve e një pas njëshme dhe formës jo optimale fizike të lojtarit, e kombinuar me krizën financiare dhe sportive tëklubit. Pas largimeve të shumë lojtarëve, te Kaiserslauterni erdhi edhe radha e Alijit për prishjen e kontratës, edhe pse marrëveshja fillestare me mbrojtësin përfundonte në Qershor të vitit 2019.
Tashmë Naser Aliji duhet të nxitojë të gjejë një skuadër të re, për tu kthyer sa më shpejt në nivelet e pritura. Zvicra, ku ai ka luajtur me Baselin dhe Vaduzin mund të jetë një opsion i mirë për 23-vjeçarin, që nuk do ta kishte të vështirë përshtatjen në asnjë skuadër.
Edhe pse në shumë Liga europiane merkato u mbyll, kuqeziu avantazhohet nga rregulli që parashikon se lojtarët të cilët kanë mbetur pa ekip, mund të rregistrohen me një skuadër pavarësisht mbylljes së afatit të transferimeve.
