Pasi mbylli aventurën e tij në Major League Soccer me Orlando City u mendua se Kaka do të rikthehej në Brazil për të luajtur edhe një tjetër sezon dhe për ti dhënë fund karrierës, por në mënyrë surprizuese ish Topi i Artë në moshën 35-vjeçare ka vendosur të varë këpucët në gozhdë. Kaka këtë të dielë në rrjetet sociale ka kominukuar tërheqjen e tij nga futbolli. Ish mesfushori i Milanit mbyll kështu një karrierë brilante në të cilën ka fituar gjithçka. Jeta e tij si futbollist mbyllet me një total prej 749 ndeshjesh të luajtura si profesionist dhe 238 gola të realizuar.
