Formula 1

Kalimi i Sainz te Ferrari rrit vlerën e të drejtës televizive të Formulës 1 në Spanjë

Zyrtarizimi i kalimit të pilotit iberik Carlos Sainz Jr në radhët e Ferrari-t ka shtuar ndjeshëm entuziazmin në gadishull, duke sjellë edhe një efekt të menjëhershëm në Spanjë, përsa i përket të drejtave televizive. Bëhet fjalë natyrisht për një transferim që do të mundësohet vetëm pasi të përfundojë edhe kontrata aktuale që lidh 4 herë kampionin e botës Sebastian Vettel me markën e njohur italiane, por sidoqoftë efekti Sainz fillon të ndihet gjithmonë e më shumë dhe kalimi i 25-vjeçarit madrilen te ekipi nga Maranello bën që oferta e të drejtës televizive në Spanjë për Formulën 1 të arrijë nivelin e tre shifrave.

Në këtë vend ka filluar një betejë e vërtetë ndërmjet rrjeteve DAZN dhe Movistar për të siguruar të drejtat televizive të transmetimit të Çmimeve të Mëdha në sportin më të lakmuar të automobilizmit dhe natyrisht që kalimi i pilotit aktual të ekipit McLaren në radhët e “kokëkuqes” ka influencuar duke shtuar ndjeshëm interesin për ndjekjen e garave. Formula 1 është ende duke vuajtur pasojat e mbylljes dhe karantinimit për shkak të pandemisë së koronavirusit, megjithatë gjërat pritet të ndryshojnë shpejt dhe ky sport natyrisht tërheq shumë dhe mbetet një ndër më të ndjekurit.

Spanja nuk ka më Fernando Alonson, kështu që heroi dhe piloti i vetëm iberik në Formula 1 mbetet pikërisht Carlos Sainz Jr. Karriera e tij po bëhet përherë e më e suksesshme dhe vlen të theksohet fakti që piloti madrilen e mbylli edicionin e kaluar me McLaren në vendin e gjashtë, në klasifikimin e përgjithshëm të pilotëve, në kuotën e 96 pikëve, madje në garën e parafundit në Çmimin e Madh të Brazilit 25-vjeçari u pozicionua në podium. Kontrata aktuale 3-vjeçare në Spanjë përsa i përket të drejtave televizive të transmetimit të Formulës 1 mbyllet pikërisht në fundin e këtij sezoni, kështu që vlera pritet të rritet ndjeshëm, për një ofertë që pritet të luhatet në varësi të kushteve, pra për një periudhë 3 ose 4-vjeçare.

Ferrari është skuadra më e suksesshme në gjithë historinë e këtij sporti dhe sigurisht ekipi italian përfaqëson ëndrrën e çdo piloti në Formula 1. Carlos Sainz Jr do të bëhet piloti i tretë spanjoll në histori që garon për makinën e kuqe, pas pilotëve të tillë si Fernando Alonso dhe Alfonso de Portago dhe i gjashti gjithsej pas emrave si Marc Gene, Pedro de la Rosa që ishin pilotë rezervë dhe kanë punuar si testues për përmirësimin e makinës, ndërsa asturiani Julian Gonzalez Pola që për hir të së vërtetës nuk figuron në statistikat zyrtare ka qenë piloti i parë spanjoll që ka drejtuar një makinë private Ferrari në gara, pak përpara se të fillonte kampionati i vërtetë i Formulës 1.

Natyrisht të drejtat televizive mund të prekin nivele të tjera, nëse në këtë sport do të rikthehet 2 herë kampioni i botës Fernando Alonso, sidoqoftë për momentin të drejtat televizive janë në duart e kompanisë Movistar. Në fakt Movistar është nën presionin e vazhdueshëm të platformës britanike DAZN, që deri tani ia ka dalë mbanë për t’i rrëmbyer konkurrencës spanjolle kampionatin botëror të motoçiklizmit. Kompania britanike po shtrihet gjithmonë e më shumë dhe po fiton goxha shikueshmëri dhe me nevojën për të fituar akoma më tepër popullaritet DAZN po shtrin tentakulat edhe drejt sportit më të lakmuar të automobilizmit.

Sipas “Periodico di Catalunya” rivaliteti është pikërisht ndërmjet këtyre dy kompanive dhe asnjë tjetër nuk është në gjendje për të paguar shifra të tilla. Oferta pritet të shkojë në 100 milionë euro, nga 65 milionë që është aktualisht. Largimi i Alonsos nga ky sport si dhe anulimi i shumë garave për shkak të pandemisë së virusit COVID-19 uli ndjeshëm shikueshmërinë, por gjithsesi drejtuesit e Telefonica Movistar deklaruan se e transmetojnë Formulën 1 që nga viti 2014 dhe nuk kanë ndërmend për të hequr dorë pikërisht tani.

Në edicionin e fundit mesatarja e spektatorëve që ndiqnin garat në Spanjë nëpërmjet platformës Movistar ishte 150.000 për çdo Çmim të Madh, pra 30% më pak se sa në vitin 2018. Kështu nga një krizë e mundshme duket se po kalohet te euforia për uljen e pilotit Carlos Sainz Jr në makinën e kuqe. Në krahun tjetër drejtuesit e platformës DAZN kanë shfaqur hapur ambiciet e tyre, duke marrë përveç garave në Moto GP e Superbike edhe të drejtat e aktiviteteve të makinave në kampionatin botëror të Rally-t apo dhe një kompeticion tjetër siç është Rally i Dakarit.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency