Pedro Rodriguez është një nga të paktët lojtarë të cilët kanë luajtur me të dyja skuadrat e kryeqytetit italian, Romën dhe Lacion. Fillimisht, spanjolli ishte pjesë e verdhekuqve, por në vitin 2021 ndryshoi ambient duke kaluar te bardhekaltërit aty ku bën pjesë edhe sot e kësaj dite, dhe ndër të tjera është mjaft i vlerësuar.
Së fundmi, sulmuesi zbulon se arsyeja e vërtetë e largimit nga Roma për te Lacio ishte mbërritja e Jose Mourinhos te verdhekuqtë. Në një intervistë për gazetën “ABC”, 35-vjeçari zbuloi se kërkoi të ballafaqohej me teknikun portugez, por ky i fundit nuk i foli kurrë hapur.
Lexo edhe:
- Një moldav për Vllazninë, luajti titullar edhe ndaj Shqipërisë
- VIDEO/ Gjashtë minuta për golin e fitores, Vrioni rikthehet protagonist në Amerikë
- Sulmuesi i kombëtares bëhet me skuadër të re, prezantohet te kampionët
- I kënaqur nga impenjimi dhe guximi i futbollistëve, Sylvinho: Shoh detajet, kemi lojtarë inteligjentë
“Ishte Mourinho ai që mori vendimin për të më larguar nga skuadra e Romës. Por, në fakt ai nuk më zhgënjeu në lidhje me këtë vendim pasi ishte e drejta e tij. Ajo që nuk më pëlqeu dhe më zhgënjeu ishte fakti se ai nuk ma tha vendimin duke më parë në sy, u shmang. U mundova të flisja me të, por nuk ia dola. Thjesht doja që vendimin të ma thoshte duke më parë në sy sepse nuk jemi fëmijë, por ai nuk pranoi.
A ishte e kaluara ime te Barcelona një arsye për të më larguar nga Roma? Jo nuk e besoj, sepse ishte Mourinho që më mori te Chelsea, unë kisha punuar edhe më parë me të”, u shpreh Pedro.
