Atletico Madrid ka bërë një tjetër hap përpara, për të blerë sulmuesin kroat të Milanit, Nicola Kaliniç. Spanjollët kanë ofruar 20 milionë euro për kartonin e tij dhe kanë gjetur akordin me drejtuesit e klubit kuqezi, por tashmë pritet një tjetër miratim.
Bëhet fjalë për pronarët e rinj të klubit, Fondin Elliot, që duhet të japë miratimin para se transferimi të kryhet përfundimisht. Kaliniç pëlqehet shumë nga Simeone, që kërkon t’i shtojë artilerisë së tij sulmuese, një futbollist me eksperiencë dhe të aftë të dërgojë topin në rrjetë.
Nga ana tjetër, edhe vetë sulmuesi kroat, pas një sezoni për t’u harruar mes Milanit dhe Kombëtares, kërkon një mundësi tjetër për të rilindur dhe Madridi duket destinacioni i duhur.
