Connect with us

Hi, what are you looking for?

Bundesliga

Kalon Oliver Kahn, Neuer vendos rekord të ri në Bundesliga

Bayern Munchen triumfoi këtë fundjavë në “Allianz Arena” ndaj Union Berlin me rezultatin 4-0, duke hedhur kështu hapa të sigurt drejt titullit kampion në Bundeliga. Një sukses plotësisht i merituar, por gjithashtu një fitore shumë domethënëse për portierin Manuel Neuer, i cili pasditen e 19 marsit vendosi një rekord të ri në aspektin personal. 35-vjeçari është zyrtarisht lojtari me më shumë fitore në historinë e Bundesliga-s, duke parakaluar në këtë listë, pikërisht ish-portierin bavarez Oliver Khan, një tjetër legjendë e klubit.

Neuer bëhet lojtari i parë i kampionatit gjerman, i cili prek shifrën e 311 fitoreve, ndërsa ky rekord mbahej nga Khan me 310 suksese në karrierën e tij.

Një jetë në Bundesliga për portierin gjerman, i cili aventurën e tij dhe serinë e fitoreve e nisi me Schalke 04 në sezonin 2006-2007, ndërsa në vitin 2011 u bashkua me rekordemenët e Gjermanisë, Bayern Munchen.

Nga sezoni 2011-2012, Neuer numëron 304 prezenca me Bayern-in në Bundesliga, ndërsa me Schalke 04, portieri mbrojti portën e “bluve” në 154 prezenca vetëm në kampionatin gjerman dhe në total Neuer ka fituar 311 takime nga 460 ndeshje të zhvilluara në elitën e futbollit gjerman.

Një rekord i veçant për portierin, i cili gjatë karrierës së tij ka fituar çdo trofe jo vetëm me skuadrën bavareze, por edhe në aspektin personal. Gjithsesi, duke ditur rendimentin dhe cilësitë e gardianit, e mbi të gjitha, forcën e skuadrës së Bayern-it, Manuel Neuer do të ketë mundësinë të thellojë akoma dhe më shumë këtë rekord në të ardhmen.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...