Rafael Nadal është ende në periudhën e rikuperimit pas një dëmtimi që pësoi në Australian Open. Tenisti spanjoll synon që të rikthehet në kohë për të marrë pjesë në Roland Garros, kompeticionin e tij të preferuar. Në fushën me dhe, ish-numri një i botës është më i miri dhe këtë e pranon edhe Daniil Medvedev i cili së fundmi shprehet se ka frikë të ndeshet me Nadal në një terren të tillë.
“Më duhet të pranoj se të mundësh Rafael Nadal në Roland Garros është një nga sfidat më të mëdha në botën e tenisit. E vërteta është se dua shumë ta provoj dhe ta sfidoj Nadal, por në të njëjtën kohë kam edhe frikë të përballem me të në fushat me dhe. Të mund Nadal në Paris dhe Djokovic në Melbourne janë për mua dy nga sfidat më të mëdha që dua t’i arrij”, u shpreh Medvedev.
Lexo edhe:
- Trajneri veteran spanjoll: 17 vjeç, pasues i Messit?! Barcelona e trajtoi keq Ansu Fatin
- “Shërbëtori” i CR7, 6 mijë euro në muaj, por duhet të firmosë “kontratën e vdekjes”
- Godet kampioni i botës në vitin 1998: Paris Saint-Germain, një “bandë roku”!
- Përplasja Deschamps-Benzema, sulmuesi e quan trajnerin kloun
Kujtojmë se Roland Garros do të mbahet në Paris nga data 28 maj deri më datë 11 qershor me Rafael Nadal që është rekordmeni absolut në tokën franceze duke qenë se ka fituar 14 trofe.
