Italia u shpall mbrëmjen e së dielës Kampione e Europës për moshën U19 teksa axurrët mposhtën në finale me shifrat 0-1, Portugalinë. Pjesë e kombëtares së kaltër është edhe Luis Hasa, futbollisti 19-vjeçar me origjinë shqiptare.
Mesfushori rezultoi një nga elementët më të rëndësishëm për Italinë në rrugëtimin drejt titullit kampion, teksa në finale Hasa dhuroi asistin për golin e vetëm të ndeshjes ndërsa në këtë kompeticon në total shënoi një gol dhe katër asiste. Hasa, pjesë e të rinjve të Juventus, shprehet se ëndërron të luaj me ekipin e parë të bardhezinjve në Serie A ndërsa kërkoi të ndaleshin krahasimet me Alessandro Del Pieron.
Lexo edhe:
- Intervista që shkaktoi zhurmë, flet një person nga familja e Dele Alli: Gënjeu, i kanë bërë “shpëlarje truri”!
- Carlos Alcaraz “mbreti” i ri i Wimbledon, ul nga froni Novak Djokovic (VIDEO)
- VIDEO/ Messi prezantim madhështor te Inter Miami, Beckham nuk e mbajnë këmbët: Dua të fitoj!
- FOTO/ Misioni “Superiore”, Vora “peshkon” te Watford e Tirana dhe rikthen në Shqipëri ishin e Laçit
“Ëndrra ime më e madhe është të luaj në Serie A me Juventusin. Ky është qëllim im kryesor, Juventus është familja ime e dytë dhe është një nga gjërat më të bukura të jem pjesë e tyre. Shpresoj që një ditë të debutoj me atë fanellë. Idhulli im është Cristiano Ronaldo dhe kur ishte te Juventus, në një nga festat e organizuara për Krishtlindje patëm mundësi të bënim foto me të. Isha shumë i emocionuar.
Krahasimi me Del Pieron? Jam i lumtur dhe më bëhet qejfi për këtë krahasim, por nuk e mendoj shumë. Ai ishte një lojtar i madh, ju lutem unë dua të jem thjesht Hasa, kaq më mjafton” u shpreh 19-vjeçari me origjinë shqiptare.
