Kampionati Kombëtar i futbollit 5×5, që organizohet nga Federata Shqiptare e Futbollit, ka zhvilluar katër ndeshjet e fazës çerekfinale në zonën e Tiranës. Të gjitha sfidat sollën garë mjaft të fortë dhe shumë spektakël. Vetëm 4 ekipe ia dolën të siguronin një biletë për në fazën gjysmëfinale të këtij sezoni.
ATS-Julton ishte takimi i parë i kësaj faze, një ndeshje mjaft e vështirë për të dyja skuadrat, që dhanë maksimumin në fushë. Takimi u mbyll me rezultatin 4-3 për ATS, që është edhe gjysmëfinalisti i parë. Mjaftoi një gol për ekipin e Çamërisë që të siguronte një biletë për në gjysmëfinalen e këtij sezoni dhe për të mbetur ende në garë.
Lexo edhe:
- VIDEO/ “Maradona” në festë, Fiorentina bën “korridorin e nderit” për kampionët
- Dominim i Red Bullit në Miami, Verstappen thellon diferencën me Perez
- VIDEO/ Përleshje e gjashtë lojtarë me karton të kuq, degjeneron “Superclasico”
- Koret raciste ndaj Vlahovicit, reagon edhe presidenti i FIFA-s
Çamëria mposhti ekipin e Vila L me shifrat 1-0 dhe tashmë do të ketë përballë Tirana 5×5. Këta të fundit fituan me gjashtë gola kundër BmbSHPFA në fazën çerekfinale. Ndeshja përfundoi me rezultatin final 6-4.
Ndeshja më e fortë e kësaj fazë ishte ajo mes Kastriotëve dhe Prestige MFC. Kastriotët fituan me rezultatin e ngushtë 2-1, në një ndeshje që dhuroi shumë emocione deri në minutën e fundit.
Këtë të hënë do të luhen edhe dy ndeshjet gjysmëfinale të kësaj faze, ku do të përcaktohet edhe finalja e madhe e këtij edicioni futbollistik.
Ndeshjet e fazës 1/8 në zonën e Tiranës:
ATS – Julton, 4-3
Çamëria – Vila L 1-0
Kastriotët MFC – Prestige MFC, 2-1
Tirana 5×5 – BmbSHPFA 6-4
Ndeshjet e fazës 1/4 në zonën e Tiranës:
Tirana 5×5 – Çamëria, 08.05.2023, ora 21:00
ATS – Kastriotët, 08.05.2023, ora 22:00
