Connect with us

Hi, what are you looking for?

Kategoria Superiore

Kampionati i trasfertave, Lushnja kompleton kuadrin

Në kampionatin ku faktori fushë nuk është më vendimtar, pas 14 javëve të luajtura të gjitha skuadrat kanë arritur fitore në trasfertë. Kuadri u plotësua nga Lushnja, që deri më tani ishte ekipi i vetëm i cili nuk e kishte shijuar suksesin larg publikut të saj.

Në Kukës ekipi i drejtuar nga Hysen Dedja mori tre pikët e para jashtë fushe për këtë sezon, duke e ngritur në 26 numrin e fitoreve në trasfertë në 70 ndeshje të luajtura gjithsej ne Superiore.

Me rezultatin 3-1 përballë kampionëve në fuqi, që ishte një prej surprizave më të mëdha të gjysmës së parë të këtij edicioni, Lushnja barazoi ecurinë e Flamurtarit të dy sezoneve më parë. Në kampionatin e vitit 2015-2016, vlonjatët pritën deri në mesin e Dhjetorit për të fituar jashtë fushe, me suksesin 3-2 përballë Bylisit.

Mallakastriotët në atë edicion janë paraqitur më keq se Lushnja e këtij sezoni, me fitoren e parë jashtë fushe që erdhi vetëm në fazën e tretë, më 21 Shkurt 2016 në fushën e Laçit me golin e Bilalit.

Deri në këtë pjesë të kampionatit aktual, më mirë jashtë fushe ka bërë Partizani, me 4 fitore, prej të cilave dy me Sulejman Starovën në stol, në Kukës dhe Lushnjë. Të kuqtë ndiqen nga kryesuesit e Skënderbeut, Flamurtari, Kamza, Kukësi dhe Laçi me tre suksese jashtë fushës së tyre, ndërsa Teuta dhe Luftëtari kanë dy. Vetëm një fitore larg Shkodrës për Vllazninë, e regjistruar në javën e parë të Kategorisë Superiore përballë Lushnjës, për më tepër në fushë asnjanëse.

 

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...