Connect with us

Hi, what are you looking for?

Kategoria Superiore

Kategoria Superiore/ Kampionët bien në “Kukës Arena”, Bylisi fiton me Kastriotin

Tirana del pa pikë nga sfida e javës së 19-të të Kategorisë Superiore, në transfertë përballë Kukësit, duke ndalur serinë e fitoreve radhazi (3), që e ngjitën në vendin e parë. Kampionët në fuqi u kthyen të mposhtur nga “Kukës Arena”, ku vendësit siguruan suksesin e gjashtë sezonal (plus katër barazime), që i ngjit në vendin e tetë, edhe më pranë grupit të skuadrave që garojnë për zonën Champions.

Skuadra verilindore, më këmbëngulëse në lojën e saj, realizoi nga një gol në çdo pjesë, duke e ruajtur rrjetën të paprekur. Në minutën 35-të, në zhvillimet e një goditjeje këndi, Oppong shtyn topin me kokë drejt rrjetës, i shërbyer nga Mbarak.

Pjesa e parë u mbyll me epërsinë e vendësve, që e gjetën edhe golin e sigurisë, me anë të Bytyqit, që realizoi po me kokë në minutën e 58-të. Kaq mjaftoi që Kukësi të merrte një fitore të pastër 2-0 që ngre moralin për të synuar zonën europiane.

Ndërkohë përplasja e mbijetesës mes Bylisit dhe Kastriotit, e zhvilluar në “Adush Muça”, u mbyll me fitoren minimale të vendësve falë golit të shënuar nga Doi në minutën e 75-të. Një sfidë me jo pak tension në Ballsh, çka reflektohet edhe nga kartoni i kuq i marrë nga trajneri i Bylisit, Shensoi. Kastrioti me këtë disfatë mbetet në vendin e fundit me 19 pikë, ndërsa tri pikët e fituara e ngjisin Bylisin në vendin e shtatë me 23 pikë.

Lajme të tjera

Francë

Historia mes Paris Saint-Germain dhe Kylian Mbappe duket se ka marrë fund njëherë e përgjithmonë. Trajneri Luis Enrique, vendosi ta zëvendësonte sulmuesin në minutën...

Bundesliga

Bayerni i Mynihut ka gjetur trajnerin e ri. Lajmi i bujshëm vjen nga e përditshmja gjermane “Bild”, e cila raporton se në stolin e...

Featured

Rey Manaj është duke kaluar një nga momentet e tij më të mira bë karrierë. Sulmuesi shqiptar ka gjetur këtë të dielë golin e...

Itali

Klubi i Inter bën me dije se Hakan Calhanoglu, regjizori titullar i mesfushës së trajnerit Simone Inzaghi, vuan një mbingarkesë muskulore në kofshën e...