Conference League

Kampioni i Evropës gati për finalen e Tiranës, Mourinho një “armë” më shumë

Leonardo Spinazzola do të jetë vlera e shtesë e Romës për finalen e Tiranës. Rikthimi i tij ofron një gamë të gjerë zgjidhjesh për Mourinhon përpara ndeshjes kundër Feyenoordit në finalen e Conference League. Sigurisht që mbrojtësi i krahut nuk do të luajë nga minuta e parë, por mund të jetë alternativë për Zalewskin, i cili mbetet favorit.

Spinazzola shpreson të japë kontributin e tij në finalen e “Air Albanias”, pasi humbi atë të Evropianit, vitin e kaluar, për arsye dëmtimi.

Pas këputjes së tendinës në këmbën e majtë më 2 korrik kundër Belgjikës, ai u rikthye në fushë të hënën e kaluar për disa minuta kundër Fiorentinës dhe të shtunën u aktivizua titullar kundër Venezias. Ajo paraqitje e shkurtër në “Franchi” ishte fundi i një makthi. Edhe nëse erdhi ajo humbje për Romën, që rrezikon të komprometojë pozicionin e saj në Serinë A, për Leonardon ishte një mbrëmje për t’u mbajtur mend. Kundër Venezias, në 45 minuta që qëndroi në fushë demonstroi se ishte në rrugën e rikuperimit të plotë.

Spinazzola dëshiron ta mbyllë këtë sezon me një trofe dhe më pas të bëhet gati të jetë sërish protagonist.

Eventet Sportive në SuperSport

Të Fundit

EVENTET NË SUPERSPORT

To Top
Evolve Web Agency Evolve Web Agency