Kastrioti hap dyert për tifozë për ndeshjen e radhës në “Redi Maloku” të Fushë Krujës. Drejtuesit e skuadrës që mbyll renditjen e përgjithshme besojnë se janë ende të gjitha mundësitë për ta arritur objektivin, sigurisht me mbështetjen e tifozëve, që janë lojtari i 12-të. Për këtë arsye hyrja në stadium për takimin me një rival direkt si Kamza do të jetë falas.
Në njoftimin e klubit krutan shkruhet:
“Këtë të diel, në stadiumin “Redi Maloku” në Fushë-Krujë, zhvillohet ndeshja e javës së 13-të të kampionatit, kundër Kamzës. Duke qenë se kjo është një ndeshje tepër e rëndësishme dhe kundër një rivali direkt për mbijetesë, Klubi ka vendosur që hyrja në stadium të jetë fals për të gjithë tifozët e Kastriotit. Skuadra ka nevojë për mbështetjen tuaj në këtë përballje delikate, ndaj ju ftojmë të jeni të pranishëm dhe të përkrahim skuadrën në këtë ndeshje që duhet fituar me çdo kusht. Forca Kastrioti!”