Harry Kane nuk i mjafton Tottenhamit. Spurs u mposhtën 2-1 në transfertën e King Poëer Stadium nga Leicester City në një ndeshje ku i shkuan shumë afër fitores por në fund dolën pa pikë. Ka që nga 11 janari i këtij viti që Tottenham nuk fiton një ndeshje jashtë fushe në Premier League një stastistikë shumë negative kjo. Goli i fenomenal i Harry Kane në minutën e 29-të, krijoi përshtypjen se Tottenham do ta fitonte këtë ndeshje, aq më tepër kur Serge Aurier me një diagonale të fortë shënoi edhe të dytin për skuadrën e Pochettinos në minutën e 65-të. Por goli i mbrojtësit francez u anullua pas ndërhyrjes së VAR për një pozicion milimetrik jashtë loje të koreano-jugorit Son, këtu erdhi edhe kthesa e madhe e Leicester që fillimisht barazoi shifrat me portugezin Ricardo Pereira dhe në minutën e 85-të kaloi në avantazh me Maddison. Me këtë fitore skuadra e Brendan Rodgers u ngjit në kuotën e 11 pikëve pas 6 javëve kampionat, 3 më shumë se Tottenham.
