Tottenham nuk ia doli të fitonte ndeshjen e fundit në shtëpi për këtë sezon të Premier League teksa Spursat u mposhtën me shifrat 1-3 nga Brentford. Edhe pse kaluan të parët në avantazh me anë të Harry Kane, vendasit nuk mundën ta ruanin rezultatin duke u shpërbërë në fraksionin e dytë të lojës. Pas sfidës, trajneri Ryan Mason u shpreh se Premier League i “njeh” ndeshje dhe rezultate të tilla ndërsa shpjegoi se përshëndetja e Kane me tifozët nuk ka të bëjë me një largim të tijin në merkaton e verës.
“Kështu e ka Premier League, duhet të jesh gati dhe në maksimum në çdo ndeshje të saj. Ishim mirë dhe u shfaqëm në mënyrën e duhur në pjesën e parë, krijuam disa mundësi. Por, më pas ra intensiteti i lojës sonë dhe ata shfrytëzuan rastet. Ishte një paraqitje zhgënjyese ajo e pjesës së dytë.
Lexo edhe:
- Ballkani zyrtarisht kampion i Kosovës, shpërthen festa në Therandë
- VIDEO/ Fitore jetike pas 7 javësh, sulmuesi dardan protagonist me gol
- “Më ka thirrë Atdheu”, Ballistët karikojnë Kombëtaren: Gati për Tiranë
- Marca zbulon Uzunin, rrëfimi në 360 gradë i sulmuesit: Përballja me Ronaldon dhe premtimi ndaj vetes!
Kane u përshëndet me tifozët? Ai e bën atë në fundin e çdo sezoni. E kam parë këtë gjest edhe më parë nga ana e Kane dhe të gjithë ishin të bindur se do të largohej. Por, nuk ka ndodhur kështu. Thjesht falenderoi tifozët siç bën gjithnjë”, u shpreh Mason.
