Connect with us

Hi, what are you looking for?

Kategoria Superiore

Kaos te Vllaznia, futbollistët bojkotojnë stërvitjen

Futbollistët e Vllaznisë bojkotojnë stërvitjen për shkak të pagave të pashlyera. Këtë të enjte futbollistëve u është komunikuar nga administratori Suad Lici se nuk mund të paguhen për dy muajt e qëndrimit në karantinë (u është dhënë paga e luftës nga FSHF), por do të marrin pagat në muajt qershor dhe korrik, pasi do të shtyhet sezoni. Futbollistët, pasi u konsultuan me njëri-tjetrin, nuk e pranuan këtë propozim, duke bojkotuar stërvitjen.

“Diskutuam me futbollistët për vazhdimësinë, ua bëra të qartë që klubi nuk mund të paguajë një punë të pakryer. Në kushte të jashtëzakonshme kanë marrë një pagë minimale të FSHF-së. Futbollistët më kërkuan që të merrnin së bashku një vendim e si duket nuk janë dakord,” – sqaroi në lidhjen e drejtpërdrejtë me “FanZone” administratori Lici.

Por çfarë do të ndodhë nëse palët nuk gjejnë gjuhën e përbashkët?

“Nëse futbollistët do të bojkotojnë, do të jemi të detyruar të luajmë me ekipin e të rinjve. Lojtarët kanë kontratë dikush deri në fillim të qershorit e një pjesë e mirë deri më 31 maj. Në kërkuam mirëkuptim për ta shtyrë deri në fund të korrikut. Kemi pa likuiduar vetëm muajin shkurt. Muajt mars dhe prill futbollistët t’i marrin në qershor dhe korrik, sigurisht nëse do të biem dakord. Edhe unë kam pesë muaj pa pagë dhe kjo është situatë shumë e vështirë. Ua kam bërë të qartë se për sa kohë që nuk kemi para, sepse Bashkia nuk ka miratuar, s’kemi rrugëdalje.”

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...