Neymar është nga ata personazhe të botës së futbollit i cili di të fitojë vëmendjen edhe kur nuk është aktiv në fushën e gjelbërt teksa së fundmi përgatit të publikojë dokumentarin e tij “Kaosi perfekt”.
Një nga pjesët më interesante në dokumentar është edhe momenti kur vetë Neymar flet për kritikat e shumta që merr. Sulmuesi i PSG thekson se shpeshherë kritikat për të janë të tepruara ndërsa tregon se për familjen e tij ai është si një hero, më saktë si Batman, ndërsa për të huajt që nuk e njohin ai është si personazhi Joker.
“Unë kritikohem më shumë se sa e meritoj dhe ndonjëherë kjo është shumë e vështirë. Për ata që më njohin nga afër si familja dhe miqtë e mi unë jam si hero, jam si Batman. Ndëkohë, për të huajt dhe që janë larg meje e nuk më njohin, dukem sikur jam një personazh si ai i Joker-it”, u shpreh Neymar.
Kujtojmë se, braziliani nuk luan me PSG prej fundit të vitit 2021 ndërsa tashmë është futur në fazat e fundit të rikuperimit teksa pritet rikthimi i tij në muajin shkurt, megjithatë kjo nuk e penguar për të vazhduar me projektet e tij.
