Liverpool dështoi përsëri në Premier League, me skuadrën e Klopp që nuk shkoi më shumë se barazimi 1-1 me Crystal Palace, në “Anfield”.
Si të mos mjaftonin rezultatet e dobëta dhe mungesat e shumta nga dëmtimet, plot shtatë lojtarë, Darwin Nunez u ndëshkua me kartonin e kuq ndaj C. Palace, duke humbur një ndeshje shumë të rëndësishme, atë ndaj Manchester United në javën e tretë.
Nëse për Klopp është një lajm shum i keq, në krahun tjetër ai cili “feston” është holandezi Erik ten Hag, që do të ketë një rrezik më pak fundjavën e ardhshme.
Darwin Nunez u ndëshkua në minutën e 57-të, ndërsa ky ishte kartoni i dytë i kuq në karrierë për 23-vjeçarin, pas atij të 26 janarit 2020 në kohën kur luante për Almeria-n në sfidën ndaj Elche.
