Kastrioti ka nisur të plotësojë skuadrën për të qënë sa më konkurues në Kategorinë Superiore. Klubi nga Kruja pasi afroi ish sulmuesin e Vllaznisë Charles Atsina, ka zyrtarizuar një tjetër futbollist që edicionin e fundit ishte pjesë e Superiores, fjala është për Ersil Ymerajn. Shkodrani ka nënëshkruar një kontratë një-vjeçare dhe shihet si një ndër përforcimet kryesore për repartin e mesit të fushës.
Ymeraj është aktivizuar për 4 sezone me Kamzën , teksa në edicionin e fundit ishte pjesë e kësaj skuadre në Kategorinë Superiore duke realizuar edhe 3 gola. Nën drejtimin e trajnerit Ndreu në fillim e Ahmatajt më pas ai koleksionoi 29 ndeshje në Superiore, 19 prej të cilave në formacionin titullar të Kamzës.
Kastrioti është ndër skuadrat e para që nisi përgatitjet për sezonin e ri duke seleksionuar një numër të madh futbollistësh, një zgjedhje e trajnerit të ri Elvis Plori i cili kërkoi të zbriste më shpejt në fushë për të pasur të gjithë kohën në dizpozicion për ndërtimin e një grupi lojtarësh që mund të përballojnë ritmin e Kategorisë Superiore. Në 3 takimet miqësore që ka zhvilluar deri më tani skuadra kryetane ka rregjistruar një barazim ndaj Laçit dhe dy humbje kundër Kukësit e Teutës.