Kastrioti vijon përgatitjet në Ohër, në kuadër të sezonit të ri të Kategorisë së Parë, ndërsa drejtuesit vijojnë punën në merkato, për të krijuar një skuadër konkurruese.
Kështu ditën e sotme krutanët kanë arritur akordin me mesfushorin shkodran Abaz Karakaçi, i cili ka firmosur kontratën dhe ka udhëtuar menjëherë drejt Ohrit, për t’u vënë nën urdhrat e trajnerit Ramazan Ndreu.
Synimi i krutanëve këtë sezon është që të rikthehen menjëherë në elitë, ndaj edhe është ruajtur një pjesë e mirë e grupit të sezonit të kaluar dhe po përforcohen me elementë të rinj.