Nëntë federata kryesore evropiane të futbollit i paraqitën një letër FIFA-s të dielën e kaluar për t’iu përgjigjur fjalëve të Infantinos, i cili pak ditë më parë u kërkoi të gjithëve “të fokusohen te futbolli” në vend që “të japin mësime morale për pjesën tjetër të botës”.
Siç raporton gazeta zvicerane “Le Temps”, federatat në fjalë janë të Gjermanisë, Anglisë, Belgjikës, Danimarkës, Holandës, Uellsit, Portugalisë si dhe Norvegjisë dhe Suedisë, megjithëse këto të fundit nuk janë kualifikuar në Kupën e Botës.
Në këtë letër ata thonë se duan të “mbrojnë të drejtat e njeriut, të mbështesin punëtorët migrantë” dhe duan të bëjnë presion mbi organin që drejton futbollin botëror për të respektuar premtimet e tij.