Edhe kampionati i Kategorisë së Parë për moshat U-17 dhe U-19 ka dhënë tashmë verdiktet e këtij sezoni futbollistik, duke shpallur ekipet kampione.
Në kategorinë e moshës U-17 ka triumfuar Shkëndija e Tiranës, që një javë para përfundimit të kampionatit siguroi titullin kampion të Kategorisë së Parë U-17.
Skuadra kryeqytetase arriti të regjistrojë një fitore ndaj Besës (5-0) në javën e fundit, duke hipotekuar gjithçka sa i takon vendit të parë të klasifikimit.
Lexo edhe:
- Xavi: Rezultati i City-Real gëzoi tifozët e Barçës, skuadra e Guardiolës e meritoi finalen e Championsit
- Tensionet me De Laurentiis, Spalletti i “jep duart” Napolit
- Sunderland kërkon Bellingham, nisin kontaktet e para
- “Mashtrim” financiar, Chelsea synon të shesë shtatë lojtarë gjatë muajit qershor
Me këtë sukses Shkëndija e Tiranës do të ngjitet sezonin e ardhshëm në kategorinë Abissnet Superiore U-17.
Sot është shpallur edhe skuadra kampione e Kategorisë së Parë U-19. Bylisi arriti të marrë trofeun pas një sezoni shumë të mirë.
Skuadra mallakastriote fitoi në transfertë ndaj Akademisë Shqiponjat (3-0), duke festuar me trofeun në përfundim të ndeshjes.
Kësisoj, edhe Bylisi do të garojë edicionin e ardhshëm mes të mirëve në kategorinë Abissnet Superiore U-19.
