Porto-Sporting përfundoi në barazim 2-2 në duelin e luajtur më 11 shkurt në kampionatin portugez, sfidë tepër e rëndësishme për titullin kampion, që në fund e fituan “Dragonjtë e Oportos”.
Në fund të takimit plasi një sherr i madh, ku u përfshinë lojtarët e dy skuadrave, stafet teknike, stjuardët, fotografët dhe fëmijët që mbledhin topat. Skena të turpshme, me Pepen si gjithmonë protagonist kur bëhet fjalë për “luftë”.
Arbitri kryesor nxori katër kartonë të kuq pas grushteve: për Pepen dhe Marchesin (Porto), dhe Tabata dhe Palhinha (Sporting), ndërkohë që Coates kishte lënë ekipin mik me dhjetë lojtarë gjatë kohës së rregullt (49’).
Klasikja e futbollit portugez dhuroi shfaqjen më të turpshme, teksa mediet vendase si A Bola dhe Record u hapën me titujt: “Toksike” dhe “E turpshme”. Një nga lojtarët që e pësoi më shumë se të tjerët ishte Matheus Reis.
Anësori i majtë i Sportingut u sulmua në mënyrë të egër nga pjesëtarë të pankinës kundërshtare. Sot ka ardhur edhe vendimi i Disiplinës, që ka dënuar me dy ndeshje pa tifozë klubin e Portos për ngjarjet e ndodhura më 11 shkurt, dënim që do e shlyejë në sezonin e ri.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
