Gjilani ka finalizuar marrëveshjen me dy futbollistët Keita Aziz dhe Keita Raza. Dy vëllezërit 22-vjeçarë që vijnë nga Bregu i Fildishtë, kanë nënshkruar kontratë me “skifterat” deri në qershor të vitit 2021.
Keita Aziz, 22 vjeçar i cili luan si mesfushor, sezonet e kaluara është paraqitur në kampionatin Tunizian dhe atë të Omanit. Në rrëfimin për për faqen zyrtare të klubit u shpreh:
“Më pëlqen ambienti i ri, pasi në qytetin e Gjilanit ka një frymë sportive dhe njerëzit këtu jetojnë me futbollin. E përcolla gjithashtu takimin e djeshëm ku ishte një ambient shumë i mirë sportiv. Besoj se në lojërat e ardhshme do të bëjmë gjëra të mira dhe do t’i kënaqim tifozët fantastikë të skuadrës sonë.”
Edhe Keit Raza, vëllazi i Azizit, i cili luan në rolin e sulmuesit, tha se ka ardhur në Gjilan për të shfaqur cilësitë e tij.
“Nuk kishim shumë njohuri për kampionatin dhe në përgjithësi për vendin, por në përshtypjet e para kemi mbetur mjaft të kënaqur. Njerëzit janë shumë mikpritës në Kosovë. Në Gjilan kemi ardhur t’i shfaqim cilësitë tona dhe të arrijmë synimet e klubit”.
Dy afrimet e fundit janë fryt i bashkëpunimit mes skuadrës së Gjilanit dhe kompanisë manaxheriale “Sem Menagment” me seli në Zyrih të Zvicrës.