Connect with us

Hi, what are you looking for?

Basketboll

Kemba Walker u jep fitoren Hornets, Westbeook e George nuk mjaftojnë për Thunder

Boston Celtics' Kyrie Irving (11) shoots over Charlotte Hornets' Kemba Walker (15) during the first half of an NBA basketball game in Charlotte, N.C., Monday, Nov. 19, 2018. (AP Photo/Chuck Burton)

Boston Celtics pësuan humbjen e dytë radhazi dhe të tetën sezonale në parketin e Charlotte Hornets 117-112. Bëri gjithçka Irving, me 27 pikë dhe 11 asiste, por përballë një Kemba Walker “stratosferik” gjithçka ishte e kotë. Plot 43 pikë realizoi “ylli” i Hornets, që po kalon një moment vërtet të jashtëzakonshëm. Në “Spectrum Center” të Charlotte u zhvillua një përballje krejtësisht e ekuilibruar, por në minutat vendimtare, ato të fundit të takimit, vendësit ruajtën qetësinë, duke fituar në fund me 5 pikë diferencë.

Vijon forma e mirë e Philadelphia 76ers, që triumfoi 119-114 në shtëpi me Phoenix Suns. Spikati në këtë takim Devin Booker me 37 pikë e 8 asiste, por skuadra nga Arizona nuk arriti ta shmangte humbjen, pasi për 76ers morën më shumë vlerë 33 pikët e Joel Embiid, ndërsa Simmons shtoi edhe 19 pikë të tjera dhe kontrolloi 11 topa poshtë koshit.

Humbje e papritur në 117-114 e Oklahoma City Thunder në parketin e Sacramento Kings. Edhe pse statistikat më të mira i kishin Russell Westbrook dhe Paul George, që shënuan respektivisht 29 dhe 27 pikë, triumfoi loja në grup e Kings, të udhëhequr nga Hield e Shumpert me 25 dhe 23 pikë. Për Thunder kjo ishte disfata e 6-të në 16 takimet e para sezonale.

Sfidë spektakolare në “Smoothie King Center” mes New Orleans Pelicans dhe San Antonio Spurs, me vendësit që triumfuan me rezultatin 140-126. Katër basketbollistë të Pelicans, Davis, Holiday, Moore dhe Randle realizuan më shumë se 20 pikë secili, ndërsa për San Antonion nuk vlejtën për të arritur deri te suksesi 21 pikët e DeRozan apo 20 të Forbes.

Në takimet e tjera u arritën këto rezuatate:

Indiana Pacers-Utah Jazz 121-94, Detroid Pistons – Cleveland Cavaliers 113-12, Atlanta Hawks – Los Angeles Clippers 119-127, Milwaukee Bucks – Denver Nuggets 104-98 dhe Memphis Grizzlies-Dallas Mavericks 98-88.

 

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...