Amir Rrahmani regjistroi ndeshjen numër 50 me Kosovën, si asnjë lojtar tjetër. Mbrojtësi i Napolit, foli për emisionin “Dardanët” në SuperSport në lidhje me barazim ndaj Izraelit.
Kapiteni i Kosovës vlerësoi pikën e marrë, ndërkohë që theksoi se skuadra ka një shans shumë të mirë për t’u kualifikuar në Euro 2024, që do të zhvillohet në Gjermani.
“Izraeli është një nga dy favoritët për dy vendet e para. Luanin përballë tifozëve, ata kanë lojtarë dhe ekip të mirë. Ishte e vështirë për t’i ndalur. Mund të fitonim ose humbitnim. Barazimi ishte rezultati real.
Lexo edhe:
- U shkarkua nga Bayern, destinacioni i ardhshëm i Nagelsmann në Premier League
- Al Khelaifi: Duam t’i mbajmë Messin, Mbappen dhe Ramos, por kemi një sy te akademia
- Modric: E ardhmja? Dëshira ime dihet, pjesa tjetër janë thashetheme dhe supozime
- Mbappe fokusohet te Maignan: Ishte e rëndësishme të mos pësonte gola!
Shorti na ka favorizuar pak. Kemi shumë mundësi për t’u kualifikuar. Zvicra është super favorite. Do të luftojmë me Rumaninë dhe Izraelin për vendin e dytë. Nuk do kemi më mundësi si kjo. Të vazhdojmë përpara me besim.
50 ndeshje me Kosovën? Krenari! Është vetëm fillimi, mund të jap më shumë, edhe si paraqitje. Jam krenar, sepse jam edhe kapiteni i këtij ekipi të mrekullueshëm”, u shpreh kapiteni dardan.
