Ndeshja e Kategorisë Superiore mes Kastriotit dhe Bylisit nuk do të zhvillohet këtë të dielë.
Në një deklaratë për mediet, Federata Shqiptare e Futbollit bën me dije se ky takim është shtyrë për shkak se arbitrat e përcaktuar për këtë përballje janë kërcënuar.
Lexo edhe:
- Tifozët e Nice nuk e pritën mirë, Galtier: Mos harroni, unë ju çova në Europë
- Tersi merr fund, reperi i famshëm fiton miliona prej dy basteve të fundit
- Disfata ndaj Lazio-s, Di Maria: Meritonim shumë më tepër!
- Arbitra polakë për AEK-Aris, zbarkojnë të dehur në Athinë!
Ndërkohë më tej FSHF thekson se një javë më parë arbitrat e ndeshjes Kastrioti-Laçi janë kërcënuar me jetë dhe janë detyruar të anulojnë një gol për skuadrën e Laçit.
Deklarata e FSHF-së:
Federata Shqiptare e Futbollit dëshiron të informojë komunitetin e futbollit dhe opinionin publik se ndeshja Kastrioti-Bylis e planifikuar për t’u zhvilluar ditën e sotme në stadiumin e Kamzës nuk do të zhvillohet.
Ditën e djeshme arbitrat e ndeshjes janë kërcënuar dhe kjo ngjarje është duke u hetuar nga organet kompetente. Federata e Futbollit është njohur me vendimin e të gjithë klasës arbitrale, që nuk pranon të marrë përsipër drejtimin e ndeshjeve të Klubit Kastrioti për shkak të presioneve dhe shantazheve të vazhdueshme. Një javë më parë, në ndeshjen Kastrioti-Laçi arbitrat e ndeshjes janë kërcënuar me jetë dhe janë detyruar të anulojnë një gol për skuadrën e Laçit. Të ndjerë vazhdimisht të kërcënuar zyrtarët kanë pasur frikë të deklarojnë me shkrim apo të denoncojnë ngjarje të tilla.
Të gjendur në këtë situatë, FSHF bën me dije se do të presë deri në fund zbardhjen e ngjarjes së ndodhur ditën e djeshme dhe do të marrë vendimet e duhura për të siguruar ambientin e sigurt në panoramën futbollistike shqiptare.
