Mike Gjetan Keta u rikthye në ring pas disa kohësh mungesë, teksa në arenën e Mynihut u përball me boksierin kolumbian Caceres. Ashtu siç di të bëjë gjithmonë ai, edhe këtë sfidë, Gjetan Keta e fitoi me Knock out, teksa në raundin e 6 i dha goditjen finale kundërshtarit.
Sfida mes dy boksierëve ishte vërtetë e ashpër dhe emocionuese, por ndryshe nga kolumbiani që priste duke u mbrojtur, Keta sulmoi dhe kërkoi fitoren me Konck Out që nga fillimi.
Në fund Keta shijoi duartrokitjet e një pallati sporti të mbushur me publik shqiptar, ndërsa në ring u mbulua me flamurin kuqezi dhe u përshëndet edhe nga Luan Krasniqi.