Sami Khedira ka folur për takimin e javës të Juventusit, të premten në mbrëmje, në ‘San Paolo, përballë Napolit. Mesfushori gjerman ka treguar se skuadra po punon shumë seriozisht për të përballuar me sukses këtë takim, ndërsa theksoi se nuk e çon nëpër mend humbjen.
“Distanca me kreun është shumë, pasi -4 pikë nuk i shkojnë për shtat Juventusit. Kemi një defekt, që pësojmë shumë gola, por mendoj se për këtë jemi të gjithë fajtorë, sepse nuk mbrojmë aq sa duhet. Po punojmë fort dhe po presim me padurim përballjen me Napolin. As që e çojmë në mendje humbjen, pasi jemi të bindur në forcat tona dhe do shkojmë në Napoli për të ngushtuar diferencën”, tha mesfushori gjerman i bardhezinjve.
