Më në fund duket se Sami Khedira ka ndryshuar mendim lidhur me të ardhmen e tij. 33-vjeçari, i cili ka kohë që nuk bën pjesë në planet e Juventusit për të ardhmem, mund të largohet nga Torino gjatë merkatos së janarit. Mesfushori është pjesë e bardhezinjve që nga viti 2015, kohë kur u transferua nga Real Madridi.
“Që fëmijë kam ëndërruar që të luaj në Premier League. Kam ndjekur shumë ndeshje që kur kam qenë i vogël. Stili dhe ideja e lojës gjithmonë më kanë impresionuar. Nëse kjo ëndërr do të realizohet, do të jetë nder. Mourinho? Më ka pëlqyer që të punoj me të, por ka shumë trajnerë më të cilët do të doja që të punoja. Nuk mund t’i thuash “jo” Mourinhos, por nuk është trajneri i vetëm që do të doja të punoja sërish”, – deklaroi Khedira për SkySport.