Një tragjedi ka tronditur futbollin anglez! Cody Fisher luante si mbrojtës me Stratford Town, një skuadër gjysmëprofesioniste që garon në Ligën e Futbollit Jugor.
Ai ishte në shoqërinë e disa miqve të tij në një klub nate në Birmingham mbrëmjen e “Boxing Day”. Disa persona i janë afruar dhe e kanë goditur me thikë, duke i marrë jetën në moshën 23-vjeçare!
“Ne e dimë se kishte qindra njerëz në vendngjarje. Ne kemi folur me disa prej tyre, por ende duhet të dëgjojmë të tjerë dëshmitarë që kanë parë apo filmuar ngjarjen”, raportoi policia angleze.
Stratford reagoi me një postim në rrjetet sociale: “Jemi të gjithë të trishtuar për këtë humbje tragjike. Ngushëllime të sinqerta për familjen dhe miqtë e Cody-t. Mendimet dhe lutjet tona janë me ju në këtë moment të vështirë”.
