Mesfushori i Kombëtares Shqiptare, Klaus Gjasula e mbylli përpara kohe përballjen mes Darmstadtit dhe Hamburgut, pasi mori kartonin e dytë të verdhë në minutën e 58-të dhe la të tijtë me 10 futbollistë.
32-vjeçari u ndëshkua fillimisht në minutën e 30-të, ndërsa në pjesën e dytë mori kartonin e dytë të verdhë për një shkelje ndaj kundërshtarit në një aksion në mesfushë, teksa arbitri nuk ia kurseu të kuqin.
Ky është kartoni i parë i kuq për këtë sezon për Gjasulën, ndërsa sezonin e kaluar, po me Darmstad mori 13 karton të verdhë dhe dy të kuq, duke konfirmuar se është një mesfushor shumë luftarak, që nuk e tërheq asnjëherë këmbën pas.