Shtohen telashet për Liverpoolin për shkak të dëmtimeve të disa futbollistëve në ndeshjet e përfaqësueseve. Pas Salah dhe Van Dijk, edhe senegalezi Sadio Mane është lënduar në kualifikueset e Kupës së Afrikës. Sulmuesi ka pësuar një frakturë në dorën e majtë në ndeshjen e fituar 3-0 ndaj Sudanit. Edhe pse ka qëndruar me skuadrën e tij, Mane nuk do të luajë në ndeshjen e kthimit. Vështirë të ndodhë që sulmuesi të jetë në dispozicion të Jurgen Klopp për ndeshjen me Huddersfieldin.
Trajneri gjerman duhet të vlerësojë edhe gjendjen fizike të egjiptianit Salah. Që braktisi “faraonët” për shkak të një shqetësimi fizik, ndërsa për mbrojtësin holandez, Van Dijk, duket se nuk do të ketë probleme serioze, edhe pse prej javësh ka patur dy brinjë të thyera. Ai ka shpjeguar se ka luajtur pasi këtë e dëshironte me çdo kusht trajneri Koeman.