Trajneri i Liverpoolit, Jurgen Klopp, ka analizuar barazimin me Arsenalin (2-2) në “Anfield”, me të kuqtë që fillimisht u gjendën në disavantazh të dy golave.
“Ishte një ndeshje e hapur, plotësisht e hapur. Ata shënuan në situatën e parë që patën dhe më pas bënë të dytin. Reagimi ynë ishte pozitiv. Ishte një lojë spektakolare në fund”, deklaroi Klopp për “Sky Sports”.
Lexo edhe:
“Arsenali bëri mirë, por duhej të humbiste, një pikë për ta është shumë e mirë. Kishim disa mundësi për të shënuar, por nuk arritëm të finalizonim si duhet. Ai gol i shpejtë i ndihmoi shumë. Ishte ambient i pabesueshëm.“
Klopp e mbyll deklaratën e tij duke e pranuar se Liverpooli e meritonte të paktën një pikë.
“Papritmas, ne po dominonim lojën. E meritonim të paktën një pikë. Nëse Konate do të përdorte kokën në rastin e fundit, do të ishte gol. Ndoshta ka rrëshqitur. Ai kishte mundësinë për të na dhënë fitoren.”
