Connect with us

Hi, what are you looking for?

Featured

“Koha të lumturoj familjen”, ylli dhe rekordmeni i Bilbaos zgjedh kombëtaren e origjinës

Inaki Williams ka lindur në Bilbao, por prindërit e tij janë me origjinë nga Gana. “Prindërit e mi kaluan shkretëtirën zbathur për të shkuar në Spanjë”, deklaronte kohë më parë… Sulmuesi zhvillon prej vitesh sezone të mirë me skuadrën baske.

Në vitin 2016 i erdhi një ftesë nga Spanja për të luajtur miqësoren ndaj Bosnjes, por vetëm kaq, askush nuk u kujtua më për të tek iberikët. Gjashtë vite më vonë, 26-vjeçari ka marrë një vendim përfundimtar për të veshur fanellën e Ganës. Me anë të një postimi në rrjetet sociale, ylli i Athletic Bilbao ka gëzuar tifozët afrikanë.

Ndjej se ka ardhur koha për të gjetur origjinën ganeze brenda meje, që do të thotë shumë për mua dhe familjen time. Dua të kthej një pjesë të vogël të gjithçkaje që më ka dhënë, Gana ka luajtur një rol të rëndësishëm për t’u bërë ky që jam sot si person, si djalë dhe si vëlla.

Sot fillon një sfidë e re. Që tani e tutje do mbroj fanellën e Ganës me gjithë vullnetin tim, do jap maksimumin”, shkruan Inaki. Gana është pjesë e grupit H në Katar 2022, grup ku do të ketë kundërshtarë Portugalinë, Uruguain dhe Korenë e Jugut.

Kujtojmë që Williams ka vendosur një rekord të veçantë në La Liga. Ai ka luajtur mbi 230 ndeshje radhazi në kampionatin spanjoll me Bilbaon. Asnjë dëmtim apo pezullim, asnjë mungesë për gjashtë vite radhazi, diçka që nuk e ka bërë askush më parë.

Tani është gati të shijojë Botërorin e parë në karrierë, me shpresën dhe besimin se do të gëzojë e lumturojë prindërit dhe njerëzit e vendit nga vjen.

TESTONI NJOHURITË TUAJA RRETH PREMIER LEAGUE

QUIZ/ Premier League 2021-2022 – Sa mirë e kujtoni sezonin që sapo u mbyll?

Lajme të tjera

Lajme

Shqipëria është gati për të nisur aventurën e saj në Euro 2024. Kuqezinjtë zhvilluar seancën e fundit stërvitore para sfidës së parë me Italinë,...

Euro 2024

“Besoj që performanca nuk ishte aq e mirë siç e kishim përgatitur. Ka gjëra që duhen përmirësuar, i kemi lejuar shumë hapësira Italisë e...

Euro 2024

Kroacia do të jetë kundërshtari i radhës për Shqipërinë në Grupin B të Euro2024. Skuadra kuqezi vjen pas humbjes me Italinë, por pa humbur...

Euro 2024

Nedim Bajrami hyri në historinë e Kampionatit Evropian me golin e shënuar ndaj Italisë, në ndeshjen debutuese të Shqipërisë në eventin e futbollit që...