Enea Koliçi beson se Flamurtari do të mbyllë në mënyrën e duhur vitin, duke marrë fitoren e radhës me Tiranën në transfertë. Portieri kuqezi u referohet dy fitoreve të fundit, për të treguar se është fituar besimi për të ruajtur vazhdimësinë e rezultateve.
Këto dy fitore kanë qenë shumë të rëndësishme, kemi edhe një takim me Tiranën dhe shpresojmë ta mbyllim me fitore këtë vit. Kur ekipi fiton krijohet besimi dhe çdo gjë shkon mirë, shpresojnë të ruajmë këtë ecuri.
Ish-portieri i Kukësit nuk shqetësohet nga fakti që ekipi shënon pak, për aq kohë sa nuk pëson gol.
Kur ekipi nuk pëson dhe fiton gjithçka është në rregull, pak rëndësi ka rezultati.
Përballë është Tirana dhe një trajner që e njeh në detaje organikën e Flamurtarit.
Mema ka qenë pjesë e Flamurtarit dhe pak a shumë e di sesi funksionon klubi ynë. Ashtu sikurse në ndeshjen e parë besoj se do të dalim me kokën lart. Nuk na intereson situata që kalon kundërshtari, për ne kanë rëndësi pikët.