Kombëtarja Shqiptare e femrave arriti të ndalë Poloninë në një barazim 1-1, në sfidën e vlefshme për eliminatoret e Botërorit “Francë 2019”. Në ndeshjen e zhvilluar në Poloni, femrat e panë veten në disavantazh që në minutën e dytë, por arritën të merrnin një pikë me vlerë, falë golit të Morinës në minutën e 74-t.
Vajzat e drejtuara nga Armir Grima kanë zhvilluar 6 ndeshje në Grupin 2, nga të cilat kanë humbur 5 dhe barazuar një, duke u renditur në vendin e fundit. Pikërisht për këtë arsye, barazimi i sotëm në Poloni është cilësuar si një surprizë mjaft e madhe.