Në datën 29 mars do të nisë aventura e kombëtares së minifutbollit në Kampioantin Evropian, ku kuqezinjtë do të tentojnë që të arrijnë kualifikimin. Për Supersport/Digitalb, Endrit Kaca tregon se shorti është tepër i vështirë, por ai është besimplotë se skuadra mund ta kalojë fazën e grupeve.
“Kemi krijuar një grup simpatik me lojtarë cilësor, stërvitjet vazhdojnë prej 1 muaji. Objektivi ynë është kalimi i grupit. Shorti ishte pak i vështirë”.
Lexo edhe:
- Nga Messi te Skriniar, kontratat e yjeve të futbollit që skadojnë në verë
- “Blindohet” Napoli, Italia në alarm për huliganët anglez
- Nisin eliminatoret e EURO 2024, ndeshjet që mund të ndiqni në “SuperSport”
- Flet trajneri: Prenga një bishë, synon të pushtojë botën
Xhuljan Reçi në anën tjetër thekson se krahas kualifikimit, ekipi ka si objektiv dhe kualifikimin për në kampionatin botëror.
“Ndeshjet që na presin janë shumë të vështira, por me besim dhe djemtë do ja arrijmë qëllimit. Synimi është që të kalojmë grupin, por dhe të kualifikohemi në botëror.
Edhe pse përballë Shqipërisë do të jenë Spanja, Rumania dhe Luksemburgu, në kampin kuqezi ekziston besimi se kombëtarja jonë ka potencialin për të marrë tre fitore.
“Do japim maksimumin në të gjitha ndeshjet e pse jo t’i fitojmë të tria ndeshjet”.
Ekipi më i fortë është Rumania, pasi kemi luajtur dhe vitin e shkuar dhe na kanë mundur, por ne do të luajmë pa frikë dhe do t’ia dalim, besoj”.
Të gjitha ndeshjet e kombëtares së minifutbollit do të vijnë “live” dhe ekskluzivisht në ekranin e SuperSport/Digitalb.
