Kombëtarja shqiptare është gati të përballet me Spanjën, në Alicante dhe trajneri Panucci tani e ka ndarë mendjen për 11 futbollistët që do të startojnë takimin. Nuk kanë munguar surprizat nga trajneri italian, teksa kapiteni Agolli dhe Armando Sadiku do ta nisin takimin nga stoli, për t’i bërë vend Memollës dhe Llullakut, që pritet të mbajë peshën e sulmit bashkë me gjakovarin Eros Grezda.
Gjithashtu, në mesfushë është rikthyer titullar Ledian Memushaj, që do të luajë në krah të Kaçes dhe Xhakës, ndërsa Veseli është preferuar para Gjimshitit, për treshen e qendrës së mbrojtjes. Në këtë takim pritet të bëjë debutimin me kombëtaren shqiptare edhe Ivan Balliu, i cili ka lindur dhe është rritur pikërisht në Spanjë, ndërsa shiritin e kapitenit do ta mbajë portieri Etrit Berisha. Takimi Spanjë-Shqipëri do të startojë në orën 20:45 dhe do të transmetohet live në Supersport 2.
Spanjë (4-3-3): De Gea; Odriozola, Pike, Ramos, Hordi Alba; Saul, Koke, Tiago; Silva, Isko, Rodrigo
Trajner: Julen Lopetegui
Shqipëri (5-3-2): Berisha; Balliu, Hysaj, Ajeti, Veseli, Memolla; Xhaka, Kaçe, Memushaj; Grezda, Llullaku
Trajner: Kristian Panucci
