“Pep Guardiola është trajneri më i mirë me të cilin kam punuar. Është edhe më i mirë se seksi! Do të doja shumë të stërvitesha sërish nga ai dhe stafi i tij”.
Ishin këto fjalët e mbrojtësit anësor brazilian, Dani Alves, që përshkroi në një mënyrë spektakolare afeksionin e tij për teknikun spanjoll, me të cilin korri shumë suksese, kur të dy ishin pjesë e Barcelonës.
Nuk ka munguar as reagimi i Guardiolës, i cili krijoi humor dhe të qeshura kur doli në një konferencë për shtyp dhe u përball me pyetjen për të komentuar deklaratat e mbrojtësit brazilian.
“Unë preferoj seksin. E them me bindje këtë”, deklaroi Guardiola, ndërsa më pas salla e konferencës u pushtua nga e qeshura dhe ilariteti. Më pas tekniku spanjoll pranoi se kishte pasur një bashkëpunim shumë të mirë me mbrojtësin brazilian, gjatë periudhës që ishin bashkë te Barcelona.
Dani Alves says being coached by Pep is better than sex. Here's his response… pic.twitter.com/vck69zkskt
— Jonathan Smith (@jonnysmiffy) November 9, 2018