Klubi i Gjilanit, nëpërmjet një komunikate për shtyp, ka hedhur poshtë zërat se drejtimin e ekipit do ta marrë drejtori sportiv, Sallah Sherifi. Në këtë komunikatë shpjegohet se drejtuesit janë në bisedime me disa trajnerë dhe deri sa të emërohet tekniku i ri ekipi do të vijojë të drejtohet nga Alban Hyseni.
“Klubi futbollistik SC Gjilani ju njofton se skuadra është në bisedime me disa trajnerë dhe se ende nuk kanë marrë ndonjë vendim përfundimtar se kush do ta udhëheqë ekipin në pjesën e mbetur kampionale.Në krye të shtabit teknik të skuadrës mbetet Alban Hyseni, deri në vendimin final të kryesisë së klubit të Gjilanit.
Klubi futbollistik Gjilani me anë të mjeteve zyrtare të informimit, do t’ju njoftojë për zhvillimet e ardhshme rreth çështjes së kryetrajnerit,” – shkruhet ndër të tjera në komunikatë.