Trajneri i Brazilit, Tite, ka rrëfyer se Xavi e ka telefonuar që të jetë i kujdesshëm me Raphinha-n, gjatë kohës që lojtari ndodhej te kombëtarja e tij. Trajneri i Barçës zbuloi se: “Unë jo vetëm që kam thirrur Tite, por edhe trajnerin francez dhe të gjithë trajnerët. I kemi dërguar një plan dhe jemi në kontakt me ta”.
Carlo Ancelotti është pyetur për këtë çështje, për telefonatat e Xavi ndaj trajnerëve, nëse e ka bërë edhe ai dhe nëse e ka konsideruar etike. Trajneri i Real Madridit ishte shumë i qartë me përgjigjen e tij.
“Unë nuk i telefonoj trajnerët, ata më thërrasin mua. Gjatë periudhës së përzgjedhjes nuk do t’i thërras trajnerët. Unë flas me ta paraprakisht për të raportuar statuset, por gjatë grumbullimit nuk flas”, tha Carlo Ancelotti. .
Trajneri i Real Madrid është pyetur edhe për El Clasicon e 16 tetorit në Bernabeu. “E kemi shumë larg El Clasicon. Ne po përgatitemi mirë për ndeshjen e nesërme, lojtarët janë mirë. Ne mendojmë për këtë. Nuk ka kohë të mendojmë për ndeshjet që kemi pas 15 ditëve. Duhet të mendojmë për Osasuna-n dhe të fitojmë. Dhe pastaj është Champions League.”-tha Ancelotti.
